---

Matagumpay na natapos ngayong araw ang isinagawang 2026 Pilot Search for the Most Child-Friendly Sangguniang Barangay in Aurora, isang makabuluhang inisyatiba na naglalayong kilalanin at higit pang palakasin ang mga barangay na nagsusulong ng mga programang nagtataguyod sa karapatan, proteksyon, at kabuuang kapakanan ng bawat batang Auroran.

Ang aktibidad na ito ay sumasalamin sa patuloy na pagsisikap ng mga lokal na pamahalaan at ng iba’t ibang katuwang na ahensya upang matiyak na ang bawat bata ay lumalaki sa isang ligtas, mapagkalinga, at maunlad na pamayanan.

Taos-pusong pasasalamat ang ipinapaabot ng LGU Casiguran sa Provincial Planning and Development Office (PPDO) Aurora sa matagumpay na pagsasagawa ng nasabing search.

Isang natatanging pagpupugay rin ang iniaalay sa Pamunuan ng Barangay Calantas sa pangunguna ng kanilang Punong Barangay Kgg. Veluz Eugenio at sa kanilang Secretary Jorge Gonzales Alban Aligarbes sa kanilang maagap na pagtugon, mahusay na paghahanda, at buong pusong pakikiisa sa pagtupad sa mga kinakailangang indicators. Ang kanilang dedikasyon ay isang malinaw na patunay na ang tunay na pag-unlad ng komunidad ay nagsisimula sa sama-samang pagkilos para sa kapakanan ng bawat bata.

Nawa’y magsilbing inspirasyon ang programang ito upang patuloy nating isulong ang mga inisyatibang nagbibigay ng ligtas, inklusibo, at child-friendly na kapaligiran para sa kasalukuyan at sa mga susunod pang henerasyon.

“Ang bawat batang napoprotektahan at napapaunlad ngayon ay siyang magiging matatag na haligi ng ating bayan sa hinaharap.”