---

Layunin ng buwang pagdiriwang na ito na palawakin ang kaalaman ng publiko tungkol sa Reproductive Health, Maternal Care, at Responsible Parenthood. Ipinapakita nito ang ating patuloy na pangako na bigyang-lakas ang bawat pamilya sa pamamagitan ng pagbibigay ng tamang impormasyon, de-kalidad na serbisyong pangkalusugan, at mga programang makatutulong sa paggawa ng matalinong desisyon para sa mas malusog na kinabukasan.

Sama-sama nating isulong ang Responsible Parenthood at patuloy na itaguyod ang pagkakaroon ng mas malusog, mas matatag, at mas empowered na pamilyang Pilipino.

Tandaan ang 𝗦𝗠𝗔𝗥𝗧 families ay:

S – Sama-samang nagpaplano

M – May tamang kaalaman

A – Aktibong nagpapasya para sa kalusugan

R – Responsableng pagpapamilya

T – Tiyak na may maginhawang kinabukasan!

Panalo ang Pamilyang Planado!

Tara, Usap Tayo sa Family Planning!

Para sa tamang impormasyon at serbisyong pang-family planning, magtungo sa pinakamalapit na Barangay Health Center o bisitahin ang Casiguran Rural Health Unit.

Sa Casiguran RHU at 16 Barangay Health Center ng Casiguran, handa kaming magbigay ng LIBRE, ligtas, boluntaryo, at de-kalidad na Family Planning Services, kabilang ang:

Family Planning Counseling

Condom

Implant (RHU only)

DMPA

Pills