---

Isang taos-pusong pasasalamat ang ipinaaabot ng Municipal Social Welfare and Development Office sa lahat ng naging katuwang sa matagumpay na pagdiriwang ng Municipal Nutrition Month Celebration 2026.

Lubos naming kinikilala ang walang sawang suporta at malasakit ng ating lokal na pamahalaan sa pangunguna ng ating butihing Punong Bayan, Hon. Roynald S. Soriano, kasama si Vice Mayor Eugene B. Calugtong at ang lahat ng mga kagalang-galang na Sangguniang Bayan Members, sa kanilang patuloy na pagsuporta sa mga programang nagtataguyod ng kalusugan, wastong nutrisyon, at kapakanan ng bawat pamilyang Casiguranin.

Ang aming taos-pusong pasasalamat ay ipinapaabot din sa Municipal Social Welfare and Development Office (MSWDO) sa pangunguna ni Mrs. Geraldine S. Alhambra, RSW, Municipal Social Welfare and Development Officer, at kay Mrs. Analiza T. Exclamado, ECCD Focal Person, sa kanilang mahusay na pamumuno, dedikasyon, at patuloy na pagsulong ng mga programang pangkalusugan at pangnutrisyon sa ating bayan. Gayundin, taos-puso rin ang aming pasasalamat sa lahat ng Child Development Workers (CDWs) na naging katuwang sa matagumpay na pagpaplano at pagsasakatuparan ng selebrasyong ito.

Lubos din naming pinasasalamatan ang ating panauhing tagapagsalita, Mr. Fran Cristhian B. Torre, sa kanyang makabuluhan at nagbibigay-inspirasyong mensahe, at kay PS Ryan Gil P. Valin, na nagsilbing kinatawan ng ating Punong Bayan sa paghahatid ng mensahe ng suporta at pagkakaisa para sa pagdiriwang na ito.

Ang aming taos-pusong pasasalamat ay iniaalay rin sa ating mga Board of Judges para sa Mascot Making Contest at Booth Fair Exhibit:

• Mrs. Zenaida H. Rodriguez

• Mrs. Nina Pulido

• PCMS Vida D. Gonzales

Sa lahat ng mga kalahok, mga barangay, katuwang na ahensya, mga opisyal, mga volunteer, at sa bawat indibidwal na naging bahagi ng pagdiriwang na ito, maraming maraming salamat po sa inyong pakikiisa, suporta, at dedikasyon.

Nawa’y magsilbing inspirasyon ang pagdiriwang na ito upang higit nating isabuhay ang kahalagahan ng wastong nutrisyon at pangangalaga sa ating kalikasan, alinsunod sa temang “Nutrisyon at Kalikasan, Ating Pangalagaan.” Sama-sama nating itaguyod ang isang mas malusog, mas matatag, at mas maunlad na pamayanang Casiguranin.

Patuloy tayong magkaisa para sa mas malusog na kinabukasan ng bawat pamilyang Casiguranin!